Një alarm për një sulm të mundshëm terrorist ka shkaktuar panik në gjithë aeroportin e Hamburgut në Gjermani.
Aeroporti i Hamburgut kishte pezulluar përkohësisht të gjitha fluturimet (në hyrje dhe dalje) sot në bazë të një kërkese nga policia federale.
Një zëdhënës i aeroportit tha se aeroporti kishte marrë një kërcënim për një sulm të mundshëm nga një aeroplan me origjinë nga Teherani.
Në aeroplan, i cili u ul në aeroportin gjerman rreth orës 12:20 (me orën lokale), në bord ndodheshin 198 pasagjerë dhe 16 anëtarë të ekuipazhit.
Ndër të tjera, mësohet se pasagjerët janë dërguar në një portë të veçantë.
Përveç disa forcave ushtarake, në vendngjarje ndodhet edhe shërbimi zjarrfikës.
Ndërsa, së fundi siç bëhet e ditur në aeroportin e Hamburgut, pezullimi ishte bërë për shkak të një kërcënimi për një sulm nga një avioni nga Irani, ndërsa fluturimet thuhet të kenë rifilluar përsëri, sipas agjencisë gjermane të lajmeve DPA.
#BREAKING: Flight operations at Hamburg Airport, which had been suspended due to a threat of an attack on an aircraft from Iran, have resumed, the airport says on its website. pic.twitter.com/eti36tViLA
— dpa news agency (@dpa_intl) October 9, 2023