Shoqëria Shtetërore Hekurudhore Finlandeze VR, ka sekuestruar 865 makina mallrash të lidhura me firmat ruse në përputhje me sanksionet e Bashkimit Evropian (BE) të vendosura në vazhdën e inkursionit ushtarak të Rusisë kundër Ukrainës.
Autoritetet finlandeze kanë sekuestruar gjithashtu pasuri me vlerë 82 milionë euro të disa individëve dhe personave juridikë rusë dhe bjellorusë, duke përfshirë kompanitë e transportit.
Zëdhënësja e VR, Taina Kuitunen, ka thënë se aktualisht kanë “rreth 800 njësi makinash mallrash të sanksionuara në Finlandë”. Ndërsa ka shtuar se firma planifikon t’ia dorëzojë Rusisë makinat e pa sekuestruara së shpejti.
Makinat hekurudhore të ndaluara janë në pronësi të firmave, të cilat janë sanksionuar drejtpërdrejt nga BE-ja ose aksionerët e të cilave kanë hequr dorë nga kontrolli pasi u sanksionuan në dritën e konfliktit në Ukrainë.
Këtë vit në mars, Grupi VR ka ndërprerë shërbimet midis Helsinkit, Finlandës dhe Shën Petersburg, pasi Rusia ka pushtuar Ukrainën.
Ndërsa, anëtarët e 30 vendeve të NATO-s kanë nisur procesin e ratifikimit për anëtarësimin e Finlandës dhe Suedisë në aleancë.
Në maj Finlanda dhe Suedia hoqën dorë nga neutraliteti i tyre tradicional ushtarak pas sulmit rus në Ukrainë dhe bënë kërkesë për anëtarësim në NATO.