Njësia për deminim e Forcës së Sigurisë së Kosovës, ka bërë deminimin e mjetit të dyshuar të pashpërthyer.
Deminimi është kryer pa ndonjë incident.
Ky mjet i pashpërthyer është gjetur në Arllat të Gllogocit, të mërkurën e 10 majit.
Sipas raportit-24 orësh të policisë, thuhet se ky rast është lajmëruar nga një qytetar, i cili ka hasur në të njëjtin mjet.
Policia e Kosovës, rastin e ka cilësuar si “gjetje e mjetit të pashpërthyer”.
“Ankuesi mashkull kosovar ka informuar se ka hasur në një mjet të pashpërthyer. Njësia për deminim e FSK-së ka bërë deminimin e mjetit të dyshuar pa ndonjë incident”, thuhet në raport.