Ministri i Mbrojtjes, Armend Mehaj, nëpërmjet një postimi në llogarinë e tij në Faceook, ka njoftuar se Forcës së Sigurisë së Kosovës i janë shtuar specialistët e parë për sulme ajore.
Ai ka shtuar se dy ushtarakët e FSK-së bashkë me kursantët e Gardës Kombëtare të Iowa-s kanë kryer me suksese kursin e sulmit ajror dhe të rrugëzbulimit.
“Bashkë me kursantët e Gardës Kombëtare të Iowa-s, dy ushtarakët tanë përfunduan me sukses të lartë kursin e sulmimit ajror dhe rrugëzbulimit”, ka shkruar Mehaj.
Mehaj ka theksuar se ky kurs ka sfiduar forcën, shkathtësinë, qëndrueshmërinë dhe aftësitë e pjesëmarrësve për të performuar në lartësi gjatë operacioneve ushtarake.
Gjithashtu, ai shprehu falënderime dhe mirënjohje për Gardën Kombëtare të Iowa-s.
“Falënderim dhe mirënjohje e thellë për partnerët tanë, Gardën Kombëtare të Iowa-s për këtë mundësi të shkëlqyer, sikur edhe gjithë mbështetjen e mbi një dekade”,
