Analisti Astrit Gashi Gashi në emisionin “Debat Plus” në RTV Dukagjini ka thënë se Serbia nuk është e interesuar për Asociacionin por për ndarjen e asaj pjese të Kosovës.
“Shoqëria kosovare nuk ka qenë e interesuar të shkojë në opsionin e ndarjes së Kosovës”, ka thënë ai.
Analisti Gashi ka shtuar se mënyra se si ka progresuar debati lidhur me çështjen e Asociacionit duhet t’i bëhen disa pyetje kryeministrit Kurti.
“Kryeministri Kurti i ka dhe dy drafte tjera që i kanë propozuar ndërkombëtarë për Asociacionin dhe ai e di se çfarë përmbajtje kanë ato”, ka thënë Gashi, duke shtuar se asnjërën nga to nuk i ka krijuar Qeveria e Kosovës.
Analisti Gashi ka thënë se sfida e një kryeministri të Kosovës në këto momente është të dij se si të përgjigjet në këto situata.