Gati tre muaj pa pagë, infermierët e angazhuar në kohën e pandemisë protestojnë të mërkurën

Stafi mbështetës i infermierëve të rekrutuar në kohën e pandemisë Covid-19, do të protestojnë të mërkurën në lidhje me mosekzekutimin e pagave gati që tre muaj, edhe pse kanë kontrata valide deri më datën 15 qershor të këtij viti

Vendit tonë po i shtohet edhe një protestë, kësaj here këtë do ta bëjnë stafi mbështetës i infermierëve që ishin angazhuar në kohën e pandemisë Covid-19, për të shprehur pakënaqësitë e tyre për mosekzekutimin e pagesave.

Përmes një njoftimi, Sindikata e Infermierëve të Kosovës ka bërë të ditur se ka gati tre muaj që kjo kategori e infermierëve nuk kanë marrë pagë, dhe kjo sipas tyre, është papërgjegjësi e institucioneve të Kosovës.

“Sindikata e Infermierëve të Kosovës me kohë ka kërkuar nga institucionet, qoftë përmes reagimeve apo edhe deklarimeve publike që ekzekutimi i pagave të bëhet urgjentisht duke pasur parasysh faktin që ndonjë ka mundësi që të varet vetëm nga kjo pagë”, thuhet në njoftimin e tyre.

Kërkesë tjetër e sindikatës është edhe vazhdimi i kontratave të infermierëve mbështetës, të cilët kanë kontrata valide deri në mesin e qershorit.

“Po ashtu Sindikata e Infermierëve të Kosovë ka kërkuar dhe kërkon që kontratat e këtyre profesionistëve të vazhdohen, ndërsa të gjenden modalitet që të kthehen në kontrata të rregullta, marrë parasysh mungesën e madhe dhe mbingarkesën e skajshme të stafit infermieror”, thuhet tutje në njoftim.

Për mosekzekutimin e pagave për infermierët, më herët kishte raportuar  Portali D.

Në kohën kur Kosova përballej me një fluks të lartë të infektimeve dhe vdekjeve si pasojë e virusit Covid-19, Ministria e Shëndetësisë (MSH) kishte marrë vendim që t’i rekrutojë si staf mbështetës rreth 840 infermierë, me qëllim që “lufta” ndaj këtij virusi të ishte më e lehtë.

Thirrjes për aplikim iu përgjigjën menjëherë mijëra infermierë nga i gjithë vendi, të cilët siç edhe thuhej nga vetë zyrtarët e MSH-së, filluan të punonin në “vijën e parë të frontit”, në qendra të vaksinimit, në të gjitha qytetet e Kosovës.

Tash kur rastet e vdekjes dhe infektimeve kanë rënë, kjo kategori nuk po vlerësohet si duhet. Stafi mbështetës i infermierëve, që kanë ende kontrata të vlefshme, të cilat u skadojnë më 15 e qershor të këtij viti, tashmë ka gati tre muaj që nuk po marrin pagë, edhe pse një gjë e tillë u takon nga kontratat e tyre valide.

Pos kësaj, edhe pse konsiderohen punëtorë të një institucioni publik, ata nuk e kanë marrë as shtesën e 100 eurove që është paraparë të ndahet nga Qeveria e Kosovës, për të gjithë punëtorët e sektorit privat dhe publik.

Stafi mbështetës i infermierëve gati 2 muaj pa paga, nuk u jepen as 100 eurot e Qeverisë

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika