Një person është gjetur të premten pa shenja jete pranë lumit në fshatin Lutogllavë të Pejës.
Rastin për Dukagjinin e ka konfirmuar zëdhënësi i Policisë së Kosovës për rajonin e Pejës, Driton Rugova.
Ndërsa, vdekjen e tij e ka konfirmuar ekipi mjekësor.
“Sot rreth orës 14:20, Policia është informuar se në fshatin Lutogllavë-Pejë, një person është i shtrirë pranë lumit. Njësitë relevante menjëherë kanë dalë në vendngjarje, gjithashtu edhe ekipi mjekësor i cili ka konstatuar se personi i shtrirë është pa shenja jete”, ka thënë Rugova.
Gjithashtu, ai ka bërë të ditur se me urdhër të Prokurorit të Shtetit, trupi i viktimës është dërguar në Institutin e Mjekësisë Ligjore në Prishtinë për obduksion, dhe rasti cilësohet ‘Hetim i Vdekjes’.