Gjobiten 8 furra, për peshë dhe peshoret e bukës

Vazhdojnë inspektimet në furrat e bukës në Kosovë, shqiptohen gjoba për pesë biznese të cilat kishin peshoret e paverifikuara, dhe tri të tjera të cilave nuk u përputhej pesha e deklaruar e bukës

Ilustrim

Inspektoriati Qendror i Tregut së bashku me Agjencinë e Metrologjisë dhe inspektorët komunalë të tregut kanë njoftuar se kanë kryer verifikime të jashtëzakonshme nëpër furrat e bukës në disa vende të Kosovës në lidhje me peshoret e bukës.

Pas inspektimit është bërë e ditur që pesë biznese kishin peshoret e paverifikuara, ndërsa tri të tjerave nuk u përputhej pesha e deklaruar e bukës.

Pamje gjatë inspektimit

“Janë shqiptuar gjoba ndaj 3 bizneseve të cilave nuk u përputhej pesha e deklaruar e bukës si dhe ndaj 5 bizneseve të cilat kishin peshoret e paverifikuara”, shkruhej në postimin e inspektoriatit në rrjetin social Facebook.

Ky aksion i inspektimeve do të vazhdojë edhe në vendet e tjera me qëllim të mbrojtjes së konsumatorit dhe eleminimin e praktikave të padrejta tregtare.

Ndryshe, në fund të muajit të kaluar janë bërë inspektime për çmimin e bukës i cili është rritur si pasojë e ngritjes së produkteve të tjera, mielli dhe vaji.

Ndërkaq, si rezultat i ndryshimit të çmimeve është konstatuar që buka ka lëvizur nga 0.50 € në 0.60 €.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika