Zëdhënësja e Lidhjes Demokratike të Kosovës (LDK), Sibel Halimi, ka thënë se Qeveria e Kosovës është shembull i mosqeverisjes dhe i “aftësisë” për të propaganduar, kërcënuar dhe linçuar.
Halimi ka reaguar pas grevave të SBASHK-ut dhe krizës energjetike si pasojë e të cilave, greva e mësimdhënësve është paralajmëruar të vazhdojë, ndërkohë që edhe reduktimet vazhdojnë të jenë prezente.
“Letërnjoftimi më identifikues i partisë në pushtet është ai i paaftësisë, dështimit për t’u përballë me problemet me të cilat ballafaqohen qytetarët tanë. Partia në pushtet së fundmi është pajisur edhe me disa ‘certifikata’, me atë të qasjes autokratike ndaj kërkesave të sindikalistëve grevistë e deri te dështimi në energji”, ka shkruar Halimi, në Facebook.
Si rrjedhojë e çasjes së Qeverisë së Kosovës, sipas Halimit, Kosova është në kolaps dhe qytetarët janë ata të cilët po e paguajnë.
Besian Mustafa: Po jetojmë në terr, qeveria nuk ka plan për energjinë