Haradinaj kujton Isa Boletinin: Identifikoi fatin e tij personal me fatin e atdheut

"23 janari na kujton heroin kombëtar Isa Boletini, i cili identifikoi fatin e tij personal me fatin e Atdheut, besnikërinë dhe dashurinë ndaj të cilit e shprehu me fjalët "Unë jam mirë kur asht mirë Shqypnia", kështu e ka përkujtuar kryetari i AAK-së, Haradinaj heroin, Isa Boletini në 107-vjetorin e rënies së tij

Kryetari i AAK-së, Ramush Haradinaj

Kryetari i Aleancës për Ardhmërinë e Kosovës (AAK), Ramush Haradinaj ka përkujtuar Lidhjen e Pejës dhe heroin kombëtar, Isa Boletinin në 107-vjetorin e rënies së tij.

I pari i AAK-së ka thënë se Lidhja e Pejës është njëra prej etapave më të rëndësishme të historisë së Kosovës dhe se Isa Boletini identifikoi fatin e tij personal me fatin e atdheut, besnikërinë dhe dashurinë ndaj të cilit e shprehu me fjalët “Unë jam mirë kur asht mirë Shqypnia”.

“Lidhja e Pejës e formuar më 1899 në krye me Haxhi Zekën, pas shumë vendimeve të rëndësishme që të forconte unitetin kombëtar në përpjekjet për të kundërshtuar copëtimin e tokave shqiptare, shpalli edhe Besën për një vit”.

Sipas Haradinajt, ky akt i Besëlidhjes mëson se shqiptarët janë patriotë, të aftë që të dalin përtej interesave dhe inateve personale kur është në pyetje interesi i atdheut.

Ndër të tjera, siç është shprehur Haradinaj, mbrojtësi i pavarësisë e komandant çetash, Isa Boletini nuk është vetëm prijës popullor, por edhe frymëzues për të dashur e vlerësuar lirinë dhe atdheun.

Ndryshe, Isa Boletini, më 23 janar të vitit 1916 u vra pabesisht nga shovinistët malazezë në Podgoricë, së bashku me të bijtë Halilin dhe Zahidin, nipërit Jonuzin dhe Halitin, si dhe tre luftëtarë të tjerë.

107 vjet nga vrasja e Isa Boletinit

 

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika