Ministrja e Drejtësisë, Albulena Haxhiu, dhe zëvendësi i saj, Blerim Sallahu, kanë publikuar një video dhe kanë listuar “të arriturat” e tyre në periudhën dyvjeçe të qeverisjes.
Haxhiu dhe Sallahu thanë që po bëjnë punë për ta kompletuar bazën ligjore, e cila sipas tyre mundëson zhvillim të Vetingut, duke shtuar se e kanë kursyer buxhetin publik.
Ministrja e Drejtësisë në video ka folur edhe për masat që i kanë marrë për t’i adresuar krimet e luftës duke i rritur kapacitetet me katër prokurorë në Prokurorinë Speciale, dhe gjashtë bashkëpunëtorë profesionalë për trajtimin e krimeve të luftës, themelimin e Institutit për dokumentimin e krimeve të kryera gjatë luftës në Kosovë, i cili pritet të funksionalizohet gjatë vitit 2023 dhe hartimin e Strategjisë për Drejtësinë Tranzicionale.
“Janë pritur mbi 1600 qytetarë sepse i kemi dyert e hapura për qytetarët, sepse ne u shërbejmë atyre”, shprehet Haxhiu.