Kandidati për deputet nga Partia Demokratike e Kosovës, Bekim Haxhiu ka zhvilluar një takim në Skenderaj me disa nga bashkëluftëtarët e orëve të para të UÇK-së.
Përmes një postimi në Facebook, Haxhiu ka bërë të ditur se në takim kanë marrë pjesë Jetulla Geci, Nuradin Lushtaku dhe Haki Drenica, të cilët i ka cilësuar si njerëzit që bashkë me Adem Jashari nisën “ndryshimin e epokës së robërisë në epokën e lirisë dhe pavarësisë”.
Haxhiu ka theksuar se mbështetja e tyre për PDK-në në zgjedhjet e ardhshme përbën garanci për fitore dhe për, siç ka thënë ai, ndryshimin pozitiv të Kosovës.
“Mbështetja e tyre në këto zgjedhje është garanci për fitoren e PDK-së, për të ndryshuar pozitivisht Kosovën, për të ndalur krizën dhe degradimin e shtetit”, ka shkruar Haxhiu.
Ai gjithashtu ka shprehur mirënjohje për kontributin dhe mbështetjen e bashkëluftëtarëve dhe qytetarëve nga e gjithë Kosova.