Hetimet e para të IPK-së: Sabit Islami vdiq pasi plagosi veten gjatë të shtënave me Policinë

Detaje të reja nga vdekja e personit që dyshohet se plagosi dy gra në Fushë Kosovë

Ndonëse ende nuk dihen shkaqet e plagosjes së dy grave në Fushë Kosovë, siç është raportuar gjatë shkëmbimit të zjarrit me policinë, i dyshuari dyshohet se ka qëlluar veten dhe i njëjti ka vdekur.

Derisa policia kishte urdhëruar të dyshuarin të dorëzohet, i njëjti sipas Inspektoratit policor të Kosovës, dyshohet se ka shtënë me armë në drejtim të zyrtarëve policorë.

Në një përgjigje për RTV Dukagjini nga IPK-ja, thuhet se bazuar në disa veprime hetimore deri më tani nuk ka dyshime për ndonjë veprim të kundërligjshëm nga ana e zyrtarëve policorë.

“Dje në orët e mbrëmjes  hetuesit e IPK-së janë njoftuar nga Policia e Kosovës  për rastin në fjalë në rrugën “Besa- Besë” në Fushë Kosovë. Në këtë rast është raportuar se dy viktimat femra kosovare për shkaqe ende të panjohura janë qëlluar dhe plagosur me armë zjarri nga i dyshuari mashkull kosovar i cili gjendej në arrati”.

“Policia më vonë kishte pranuar informata për vendndodhjen e të dyshuarit ku zyrtarët policorë e kanë urdhëruar të dyshuarin që të dorëzohet, mirëpo i njëjti dyshohet se ka shtënë me armë në drejtim të zyrtarëve policorë. Gjatë shkëmbimit të zjarrit me policinë i dyshuari dyshohet se ka qëlluar veten dhe i njëjti ka ndërruar jetë”, thuhet në përgjigje.

Sidoqoftë, hetuesit e IPK-së pritet të ndërmarrin edhe veprime tjera hetimore në koordinim me prokurorin kompetent për të ndriçuar të gjitha rrethanat lidhur me rastin, thuhet në përgjigjen e IPK-së.

“Me të pranuar informacionin hetuesit e IPK-së janë dalë në vendin e ngjarjes ku në koordinim me ekipet tjera reaguese policore dhe prokurorin janë ndërmarrë disa veprime hetimore dhe bazuar në këto veprime hetimore deri më tani nuk ka dyshime për ndonjë veprim të kundërligjshëm nga ana e zyrtarëve policorë”, vijon përgjigja.

Nga ngjarja e së shtunës së 28 janarit, dy të lënduarat, nënë e bijë, po marrin trajtim mjekësor në Qendrën Klinikën Universitare të Kosovës.

Plagosja e nënës dhe vajzës në Fushë Kosovë – Si mori plagë vdekjeprurëse i dyshuari?

Shija e redaktorit

Presidentja Osmani dekreton harmonizimin e listës së organizatave terroriste me...

Presidentja e Republikës së Kosovës, Vjosa Osmani, ka dekretuar sot harmonizimin e listës së organizatave të huaja terroriste me urdhrat ekzekutivë të presidentit amerikan,...

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

Të fundit nga rubrika