Hidhen poshtë provat e dala në KRIK për vrasjen e politikanit serb, Oliver Ivanoviq

Ministria e Punëve të Brendshme në Serbi, i ka bërë thirrje Boban Bogdanoviqit, i cili ka lidhje me disa figura kriminale në Serbi, që konstatimet e tij për vrasjen e politikanit serb në Kosovë, Oliver Ivanoviq, t’i ndajë me organet hetimore, në përputhje me ligjin dhe jo me mediat.

Kjo deklaratë e ministrisë vjen pasi Bogdanoviq, në një intervistë për median serbe “KRIK”, ka thënë se miku i tij i vrarë, Aleksandër Gligoijeviq, i cili ishte pjesëtar i klanit kriminal të Veljko Belivuk, ka thënë se ia kishte lënë amanet që të zbulohet vrasësi i politikanit kosovar.

“Ministria e Punëve të Brendshme, shpreh keqardhje që Bogdanoviq nuk ka paraqitur ndonjë fakt të ri dhe as nuk ka konfirmuar ndonjë nga pretendimet e tij, as me prova materiale, e as me deklarata të dëshmitarëve”, është thënë në deklaratën e Ministrisë.

Bogdanoviq kishte thënë se personi që e kishte organizuar ardhjen dhe logjistikën është Milan Radoiçiq.

“Më shtatë mars të vitit 2020, ishte ndeshja e parë e raundit pranveror të Tekstilcit, në të cilën isha i ftuar si mysafir nderi. Pas lojës, u ulëm me Aleksandrin (Gligorijeviq), folëm për diçka për të cilën nuk e kisha ëndërruar se do të flisnim. Aleksandri më tha kush janë organizatorët, kush është porositësi dhe kush është vrasësi i Oliver Ivanoviqit”, shprehej ai.

Ai ka thënë se vrasësi i Ivanoviqit, është Lubomir Lainoviq, kurse urdhëruesi i vrasjes është biznesmeni nga Kosova, Zvonko Veselinoviq.

Ndërkaq, sipas deklaratës së ministrisë së Serbisë, thuhet se pretendimet e Bogdanoviqit janë plotësisht të paverifikueshme.

“Të gjitha pretendimet e tij mbështeten ekskluzivisht në bisedat e supozuara të tij me të ndjerin dhe i referohen veprimeve të supozuara të të ndjerit, prandaj janë plotësisht të paverifikueshme”, thuhet në deklaratën e ministrisë, shkruan agjencia e lajmeve Tanjug.

Ndryshe, Oliver Ivanoviq ishte vrarë më 16 janar 2018, me gjashtë të shtëna në shpinë, përpara zyrës së partisë së tij në Mitrovicën e Veriut.

Ai ishte udhëheqës i Iniciativës Qytetare “Liria, Demokracia, Drejtësia – Oliver Ivanoviq”.

Për vrasjen e Ivanoviqit deri më tani janë ngritur tri aktakuza nga Prokuroria Speciale e Kosovës.

Aktakuza e parë është ngritur më dy dhjetor të vitit 2019, kurse më 30 dhjetor ishte paraqitur aktakuza e dytë nga prokurori i atëhershëm, sylë Hoxha.

Në këtë gjykim, të akuzuarit Nedelko Spasojeviq, Marko Roshiq, Rade Basara, Silvana Arsoviq, Dragisha Markoviq dhe Zharko Jovanoviq ishin deklaruar të pafajshëm për akuzat e ngritura kundër tyre.

Ndërsa tre të akuzuarit e mbetur, Zvonko Veselinoviq, Millan Radoiçiq dhe Zhelko Bojiq, janë në arrati.

Në anën tjetër, aktakuza e tretë ishte ngritur në nëntor të vitit 2020.

Kjo, pasi Gjykata e Apelit në Prishtinë e kishte hedhur poshtë aktakuzën e dytë të Prokurorisë Speciale, pas kërkesës së palës mbrojtëse, të cilët apeluan vendimin.

Veselinoviq, bashkë me Radoiçiqin janë futur edhe në listën e zezë të SHBA-së për shkak të veprimtarisë së tyre.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika