Ish-kryeministri i Kosovës, Avdullah Hoti, ka kujtuar ish-presidentin e Republikës së Kosovës, Ibrahim Rugova në rastin e 17- vjetorit të vdekjes së tij.
Hoti ka thënë se në këtë ditë kujtohet lideri shpirtëror e politik që udhëhoqi vendin në momentet më kritike.
Ndërsa, ka shtuar se ishte presidenti që krijoi miqësitë me demokracitë perëndimore.
“Sot kujtojmë atin themeltar të shtetit të Kosovës — Presidentin Rugova, liderin shpirtëror e politik që na udhëhoqi në momentet më kritike të ekzistencës tonë si popull, që ndërtoi miqësitë me demokracitë perëndimore, që krijoi kohezionin e pashembullt rreth idealit të shprehur si LIRI, PAVARËSI, DEMOKRACI”, ka shkruar Hoti.
Ndryshe, ish-presidenti Ibrahim Rugova ka ndërruar jetë më 21 janar të vitit 2006 dhe këtë të shtunë po përkujtohet në 17-vjetorin e vdekjes së tij.