Deputetja e Lëvizjes Vetëvendosje (LVV), Fitore Pacolli i ka reaguar ish kryeministrit të Kosovës, njëherit deputetit të LDK-së, Avdullah Hoti pasi që ky i fundit kishte listuar “problemet” me Ligjin për pagën minimale.
“1. Nuk është përfillur procedura ligjore për caktimin e pagës minimale, pasi nuk ka pasur dakordim mes partnerëve socialë (qeverisë, bizneseve dhe sindikatave);
- Nuk është përfillur formula për caktimin e pagës minimale, e cila formulë bazohet në koston e jetesës;
- Janë shkelur dy konventa të Organizatës Botërore të Punës lidhur me hapat që duhet ndjekur për caktimin e pagës minimale;
- Niveli prej 250 euro i pagës minimale është caktuar vitin e kaluar, para inflacionit që përjetuam, dhe sot nuk vlen ai vlerësim pasi janë rritur dukshëm çmimet e mallrave elementare”, kishte shkruar Hoti.
Hoti ia numëron Qeverisë katër “problemet” me Pagën Minimale
Për këto “probleme” me Pagën Minimale që i ka listuar deputeti i LDK-së, Avdullah Hoti, ka reaguar deputetja e LVV-së, Fitore Pacolli.
Sipas saj, problemin kryesor që opozita e ka me Ligin për Pagën Minimale është se “është se ata nuk kanë mundur ta rrisin pagën minimale qe 12 vjet, e ne po e bëjmë për vetëm 2 vjet”.