Të enjten e 1 shtatorit, Ambasadori i Shteteve të Bashkuara të Amerikës(ShBA) në Kosovë, Jeffrey Hovenier, ka përshëndetur respektimin e zbatimit të marrëveshjes për reciprocitet për dokumentet hyrëse-dalëse në mes të Kosovës dhe Serbisë.
Ai ka thënë se liria e lëvizjes është thelbësore për normalizimin e marrëdhënieve të përqendruara në njohjen reciproke në mes të Kosovës dhe Serbisë.
Welcome the smooth start to implementation of the EU-facilitated agreement on entry/exit documents. Freedom of movement is essential to normalization of relations centered on mutual recognition for 🇽🇰 & 🇷🇸. Looking forward to seeing progress on other issues in the coming months.
— Ambassador Jeff Hovenier (@USAmbKosovo) September 1, 2022
“Mezi presim të shohim përparim në çështje të tjera në muajt e ardhshëm”, ka shkruar Hovenier në Twitter.
Ndryshe, më 27 gusht, Kosova ka nënshkruar marrëveshjen e reciprocitetit me Serbinë për dokumentet hyrëse-dalëse.
Kjo marrëveshje parasheh lëvizjen e lirë, përmes letërnjoftimeve, ndërmjet Kosovës dhe Serbisë.
Ndërkaq më 1 shtator, Ministri i Punëve të Brendshme të Kosovës, Xhelal Sveçla, nga pika kufitare në Bërnjak ka bërë të ditur se është ndërprerë lëshimi i dokumenteve për hyrje-dalje nga autoritetet e Serbisë për shtetasit e Kosovës.
Sveçla nga Bërnjaku: Po respektohet marrëveshja për dokumentet