Analisti Yll Hoxha ka folur për Ballkanin e Hapur ku ka thënë se Kosova nuk duhet të jetë pjesë e kësaj iniciative rajonale, pa e njohur Serbia si shtet të pavarur.
Ai ka argumentuar këtë pasi, shtetet e Bashkimit Evropian (BE), nuk do ta ndalojnë anëtarësimin e Serbisë në BE nëse Kosova bëhet pjesë e kësaj iniciative rajonale, pa e njohur Serbia.
“Nëse pranojmë me qenë pjesë e Ballkanit të Hapur, ne po pranojmë të hyjmë pa na njohur Serbia, ndërsa Gjermanisë i kërkojmë, i thojmë mos e pranoni Serbinë në BE pa e njohur Kosovën si shtet të pavarur”, ka thënë, Hoxha në Debat Plus.
Sipas tij, nëse Kosova bëhet pjesë e kësaj iniciative ju lë hapësirë shteteve Perëndimore siç janë Gjermania, Franca e të tjera që të mos ndalojnë hyrjen e Serbisë në BE.
Ballkani i Hapur nuk është shumë problem sa që është problem sipas Hoxhës përçarja në mes shqiptarëve.
“Është gabim pasi është hera e parë që me Shqipërinë, Kosova ka çarjen në politiken e jashtme”, ka thënë ai.
Hoxha ka folur, edhe për kryeministrin e Shqipërisë, Edi Ramën, ku ky i fundi kishte thënë se Kosova e ka karrigen boshe, por sipas Hoxhës, Rama po bënë gabim duke na thirrur në atë karrige pa na njohur Serbia.
“Rama ka zhvilluar një politikë të pa përgjegjshme për ta sjellë Kosovën në një situatë ku ndoshta do të detyrohet të ulët në atë karrige”, ka thënë ai.