Analisti Dibran Hoxha, në lidhje me raportin e Departamentit amerikan të Shtetit për të Drejta të Njeriut në pjesën për Kosovën, ku si probleme kryesore theksohen korrupsioni serioz qeveritar dhe mungesa e hetimeve dhe përgjegjësisë për dhunën me bazë gjinore, ka thënë se ky raport nuk e pasqyron gjendjen normale të vendit, pasi, sipas tij, nuk është e mundur që të jenë në tërësi gjërat e njëjta sikurse në qeveritë e kaluara.
“Nevojiten fakte se si Qeveria e Kosovës është e korruptuar dhe është e njëjtë me atë të vitit 2018. Nuk është thellësisht e korruptuar dhe nuk mund të jetë e njëjtë sikurse qeveritë e kaluara”, ka thënë Hoxha.
Sipas tij, edhe mund të jetë edhe më keq edhe më mirë, por nuk mund të jetë njësoj sikurse vitin e kaluar.