Analisti Ylli Hoxha ka thënë se situata në të cilën gjendet sot vendi do të duhej të përkthehej në një qëndrim shumë më agresiv të perëndimit ndaj Serbisë.
Sipas tij, Perëndimi do të duhej të kishte një gjuhë të shpërblimit për Kosovën.
Kjo sepse, sipas tij, Kosova nuk e ka pasur progresin, të cilin, siç thotë Hoxha, e ka merituar ta ketë.
“Situata në të cilën jemi sot do të duhej të përkthehej në një qëndrim shumë më agresiv të perëndimit karshi Serbisë, me një gjuhë të shpërblimit për Kosovën. Kosova nuk ka pasur progresin të cilin e ka merituar ta ketë”, ka thënë ai.
Kryetari i Kuvendit të Kosovës, Glauk Konjufca, ka thënë të premten se Bashkimi Evropian (BE) “nuk ka kompetencë” për t’i propozuar Kosovës një draft-statut për formimin e një Asociacioni të Komunave me shumicë serbe, megjithëse pala kosovare e kanë pranuar një të tillë në parim tashmë, nën ndërmjetësimin e bllokut.
Lidhur me deklaratën e Konjufcës, Hoxha ka thënë se kryetari i Kuvendit po tenton ta reduktojë obligimin e Kosovës.
“Deklarata e Konjufcës bie brenda një konteksti krejt të ri. Ai tenton ta reduktojë obligimin e Kosovës në diçka që është më pak se ajo marrëveshje… në këto javë do të jemi shumë më shumë brenda presionit. Glauku po mundohet që të mos e humbasë kjo elitë politike legjitimitetin qysh e kanë humbur krejt. Elita është ajo që është në udhëheqje të vendit”, shtoi më tej ai.