Autoritet iraniane kanë vendosur kamera në vende publike për të identifikuar dhe penalizuar gratë që nuk janë të mbuluara.
Ky veprim i tyre erdhi si një përpjekje të mëtejshme për të frenuar numrin në rritje të grave që sfidojnë kodin e detyrueshëm të veshjes.
Pasi të jenë identifikuar, shkelësit do të marrin “mesazhe paralajmëruese me tekst për pasojat”, tha policia iraniane në një deklaratë, shkruan Reuters.
Kjo masë ka për qëllim “parandalimin e rezistencës kundër ligjit të hixhabit”, thuhet në deklaratë, duke shtuar se një rezistencë e tillë dëmton imazhin shpirtëror të vendit dhe përhap pasiguri.
Një numër në rritje i grave iraniane kanë hequr qafe mbulesat e tyre që nga vdekja e një gruaje kurde 22-vjeçare në paraburgimin e policisë së moralit shtatorin e kaluar. Mahsa Amini ishte arrestuar për dyshimin se kishte shkelur rregullin e hixhabit. Forcat e sigurisë shtypën me dhunë revoltën.