Ministria e Jashtme e Iranit ka deklaruar se sulmet ndaj depove të naftës kanë shkaktuar ndotje të rrezikshme të ajrit, duke vënë në rrezik jetën e njerëzve.
Zëdhënësi i ministrisë, Esmaeil Baqaei, ka theksuar se sulmet kanë çliruar materiale të rrezikshme dhe substanca toksike në ajër, të cilat “po rrezikojnë jetën në shkallë të gjerë”.
Gjatë natës janë sulmuar disa rafineri dhe depo nafte në Iran.
Ndër objektivat ishte edhe depoja e naftës Shahran Oil Depot, e vendosur në veriperëndim të kryeqytetit Tehran.
Autoritetet iraniane paralajmërojnë se ndotja e shkaktuar nga këto sulme mund të ketë pasoja serioze për shëndetin e popullsisë.