Ish-kandidati i pavarur për kryetar të Gjilanit, Lulzim Behxheti, ka vendosur t’i bashkohet Aleancës për Ardhmërinë e Kosovës (AAK).
Kështu ka bërë të ditur kryetari i AAK-së, Ramush Haradinaj, duke theksuar se vendimi i Behxhetit për t’iu bashkuar partisë së tij është një hap pozitiv.
“Nga sot, Lulzim Behxheti ka vendosur që angazhimin e tij për vendin ta japë në Aleancën për Ardhmërinë e Kosovës, duke iu bashkuar vizionit tonë për një Kosovë të sigurtë e të zhvilluar ekonomikisht”, ka thënë Haradinaj.
Në zgjedhjet e fundit komunale, Lulzim Behxheti u prezantua si kandidat i pavarur për kryetar të Gjilanit.