Ish-ministrja –Gërvallës: Takimi me homologun palestinez dëmton marrëdhëniet e Kosovës me Izraelin

Ish-ministrja e Jashtme e Kosovës, Meliza Haradinaj-Stublla, ka reaguar ndaj ministres së Punëve të Jashtme, Donika Gërvalla, për shkak të mostransparencës së saj në takim me homologun palestinez në forumin e Antalyas.

Me anë të një postimi në Facebook, Haradinaj ka thënë se një veprim i tillë, dëmton marrëdhënien e re të Kosovës me Izraelin, dhe interesat afatgjate të Kosovës për të siguruar njohje të reja në Lindjen e Mesme.

“Mostransparenca e ministres rreth takimit me ministrin palestinez e dëmton Kosovën, dëmton marrëdhënien e re me Izraelin ende pa u konsoliduar mirë, dëmton interesat afatgjate të Kosovës për të siguruar njohje të reja nga shtetet e Lindjes së Mesme, dhe ndihmon pozicionin e Serbisë per të forcuar ‘koalicionin ndërkombëtar’ kundër subjektivitetit të shtetit tonë”, ka shkruar ajo.
“Kosova përveç që ka punuar shumë për të ndërtuar marrëdhënie zyrtare diplomatike me shtetin e Izraelit, ka bërë përpjekje të mëdha për të zbrapsur kampanjën ilegale të Serbisë për të penguar e dëmtuar njohjet ekzistuese dhe ato potenciale të Kosovës”, ka shtuar ajo.

Sipas Haradinajt, Kosova nuk ka përgjegjësi morale ndaj Palestinës, andaj siç ka theksuar ajo, ministrja Gërvalla nuk do të duhej të ndihej në borxh, duke e mbajtur larg publikut.

“MPJD duhet urgjentisht të sqarohet me një deklaratë publike në shqip dhe anglisht rreth takimit, temave, dhe pozicionit të Kosovës rreth asaj që ka deklaruar MPJ e autoriteteve palestineze pas takimit me Kosovën, për të riparuar dëmin tashmë të shkaktuar me Shtetin mik të Izraelit”, ka shtuar ajo.

Siç ka potencuar Haradinaj, heshtja e ministres ka hedhur poshtë gjithë mundin e Kosovës, duke ia dhuruar terrenin diplomatik vetëm Palestinës dhe Serbisë.

Ndryshe, Gërvalla gjatë qëndrimit në Forumin Diplomatik të Antalyas kishte takuar homologun e saj nga Palestina, Riyad al-Maliki.

Ky takim nuk ishte publikuar as në komunikatë zyrtare e as në rrjetet sociale të ministres.

Megjithatë, ambasadori palestinez në Beograd, Mohamed Nabhan, kishte thënë se pozicioni i Palestinës në raport me njohjen e shtetit të Kosovës nuk ndryshon.

Ai për mediat serbe kishte deklaruar se, takimi i tij me ministren gërvalla “nuk do të thotë asgjë”.

“Fakti se ministri [palestinez] u takua në margjinat e një takimi në Turqi nuk do të thotë asgjë për ne, dhe nuk ndryshon asnjë qëndrim”, kishte thënë Nabhan.

Sipas tij, Palestina, në raport me Kosovën “udhëheqet nga Rezoluta 12/44 dhe avokimi për dialog në mes të Prishtinës dhe Beogradit”.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

RTS zviceran: Personi që paralajmëroi vrasjen e Dick Martyt, është...

Është zbuluar se kush ishte infromatori që tregoi se ka një planë për të vrarë Dick Marty-in. Sipas Programiit të RTS Mise au point  ai...

24 vjet dhe 10 muaj burgim për të akuzuarin i...

Gjykata Themelore në Prizren, të hënën e ka dënuar të akuzuarin Sylejman Ahmeti me 24 vjet e 10 muaj burgim për vrasje. Aktakuza e ngritur...

Komandanti i parë i KFOR-it: Në Veri ekziston një grup...

Komandanti i parë i KFOR-it, Erhard Buhler, në një intervistë për Albanian Post, ka thënë se në veri të vendit ekziston një grup multietnik...

Të fundit nga rubrika