Ish-ushtarja irlandeze dënohet me 15 muaj burg për bashkimin me grupin xhihadist në Siri

Lisa Smith, një ish-ushtare irlandeze është dënuar me 15 muaj burgim, me akuzën se ishte bashkuar me grupin xhihadist, Shteti Islamik në Siri. Smith është personi i parë që dënohet në Irlandë për një akt terrorist jashtë vendit

Lisa Smith, ish-ushtare irlandeze

Një ish-ushtare irlandeze është dënuar me 15 muaj burgim për bashkimin me të ashtuquajturin grup xhihadist, Shteti Islamik në Siri.

Lisa Smith, ka qenë e dënuar në maj si anëtare e një organizate të ndaluar terroriste midis vitit 2015 dhe 2019.

Ajo është paraqitur në Gjykatën Speciale në Dublin të premten e 22 korrikut e veshur me një hixhab të zi për të dëgjuar dënimin e saj.

Gjykatësi Tony Hunt ka theksuar se Smith ishte në rrezik të ulët për të kryer një vepër penale, por nuk kishte treguar pendim.

Ajo është personi i parë që dënohet në Irlandë për një akt terrorist jashtë vendit.

40-vjeçarja kishte qenë ushtare në Forcat Mbrojtëse Irlandeze nga viti 2001 deri në 2011, por më pas ka lënë ushtrinë dhe më vonë ka udhëtuar për në Siri në vitin 2015 pasi ishte konvertuar myslimane, raporton euronews.

Smith ishte arrestuar pas kthimit të saj në Irlandë në vitin 2019 në aeroportin e Dublinit, së bashku me vajzën e saj të vogël.

Ish-ushtarja ishte përballur me deri tetë vjet burg, por avokati i saj ka thënë se ajo ishte mbajtur në kampe në Siri dhe nuk duhet të përballet me paraburgim të mëtejshëm.

Smith gjithashtu është liruar nga akuza për financimin e një organizate terroriste duke i dërguar 800 euro një burri për “qëllime humanitare”.

Shija e redaktorit

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Rama e quan “hap historik” votimin Pro anëtarësimit të Kosovës...

Kryeministri i Shqipërisë, Edi Rama, e ka konsideruar si hap historik votimin e Asamblesë Parlamentare të Këshillit të Evropës(KiE) që i hap rrugë anëtarësimit...

Kurti: Me Kosovën aty, KiE fiton një demokraci të re...

Kryeministri i Kosovës, Albin Kurti, ka reaguar pasi Asambleja Parlamentare e Këshilli të Evropës ka votuar “për” anëtarësimin e Kosovës në këtë organizatë. Përmes një...

Të fundit nga rubrika