Ministri i Bujqësisë, Faton Peci, ka njoftuar se sot ka vizituar hapësirat e objektit të Ministrisë së Bujqësisë në lagjen “Ulpiana” në Prishtinë, duke shtuar se kanë rikthyer mbi 600 metra katrorë në shërbim të institucionit të cilat ishin në shfrytëzim nga Aleanca për Ardhmërinë e Kosovës (AAK).
Ministri Peci tha se shumë shpejt do të fillojë edhe procesi i renovimit.
“I rikthyem mbi 600 metra katrorë në shërbim të titullarit; Ministrisë së Bujqësisë! Sot vizitova hapësirat e objektit të Ministrisë së Bujqësisë në lagjen ‘Ulpiana’ në Prishtinë, ku kemi rikthyer mbi 600 metra katror në shërbim të institucionit. Së shpejti do të fillojmë me procesin e renovimit”, ka shkruar Peci në Facebook.
Tutje, Peci mbetet optimist se instancat e sistemit të drejtësisë do të marrin një vendim meritor që objekti i Ministrisë dhe hapësirat për rreth saj të jenë në shfrytëzim dhe shërbim për titullarin.
“Mbetem optimist se instancat e sistemit të drejtësisë do të marrin një vendim meritor që objekti i Ministrisë dhe hapësirat për rreth saj të jenë në shfrytëzim dhe shërbim për titullarin dhe njëherit të mundësohet zbatimi i vendimit tim si Ministër i marrë me datë 22.08.2023”, ka vijuar Peci.