Zëdhënësi i qeverisë izraelite, Eylon Levy, në një konferencë për media është pyetur për hapat e ardhshëm të Izraelit në armëpushimin dhe konfliktin më të gjerë.
Levy ka thënë se armëpushimi mund të zgjatet edhe për pesë ditë të tjera.
“Pauza aktuale e lirimit të pengjeve mund të zgjatet edhe për pesë ditë të tjera në bazë të shkëmbimit tre për një midis të burgosurve palestinezë në Izrael dhe pengjeve izraelite të mbajtur në Gaza”, ka thënë zëdhënësi i qeverisë izraelite, Eylon Levy
Ai ka thënë se kanë lejuar që 50 të burgosur palestinezë të lirohen nëse Hamasi dëshiron të vazhdojë lirimin e pengjeve, raporton BBC, përcjell Dukagjini.
“Pastaj, sapo Hamasi të ndalojë kthimin e pengjeve ne do të rifillojmë presionin ushtarak ndaj Hamasit derisa të lirojë më shumë prej tyre”, ka thënë tutje zëdhënësi i qeverisë izraelite, Eylon Levy.