Kryetari i Komunës së Shtërpcës, Dalibor Jevtiq, ka thënë se ekziston mundësia që edhe serbët në jug të Mitrovicës të largohen nga institucionet e Kosovës.
Ai e ka akuzuar kryeministrin e Kosovës, Albin Kurti, për mosrespektim të të drejtave të komuniteteve joshumicë në Kosovë.
Jevtiq tha për Tanjug se situata në Kosovë, sidomos për serbët lokalë, po vështirësohet teksa e ka kritikuar edhe bashkësinë ndërkombëtare, e cila sipas tij, nuk është duke e bërë punën si duhet në mënyrë që situata të qetësohet.
Braktisjen e institucioneve nga serbët, përveç atyre në veri, e ka paralajmëruar edhe presidenti i Serbisë, Aleksandër Vuçiq.