Një polic ka humbur jetën pas rënies në pus

Një polic i Kosovës, ka humbur jetën pasi ka rënë në një pus në fshatin Gradicë të Drenasit

Ilustrim

Një pjesëtar i Policisë së Kosovës ka humbur jetën të shtunën pasdite, në fshatin Gradicë të Drenasit, pasi, i njëjti, kishte rënë në një pus.

Sipas njoftimit të Policisë, thuhet se rreth orës 17:00 të së shtunës, është pranuar informata për një rast të vdekjes së dyshimtë të ndodhur në fshatin Gradicë të komunës së Drenasit.

“Pas marrjes së kësaj informate, policia menjëherë ka dalë  në vendin e ngjarjes ku është konstatuar se viktima, 53-vjeç, mashkull, shtetas Kosovar, në rrethana që aktualisht po trajtohen nga ana e policisë ka humbur jetën në një bunar”, thuhet në raport.

Me vendim të Prokurorit, trupi i pajetë i viktimës është dërguar për obduksion.

Këtë e ka konfirmuar për RTV Dukagjinin, Zëdhënsja e Policisë së Kosovës për Rajonin  e Prishtinës, Flora Ahmeti.

Sa i përket këtij rasti, ajo ka konfirmuar se viktima është pjesëtar i policisë ndërsa për detaje të tjera në lidhje me vdekjen e tij, cilësohet si vdekje e dyshimtë pasi ende është në pritje raporti nga Instituti i Mjekësisë Ligjore(IML).

Ndryshe, Kryetari i Drenasit, Ramiz Lladrovci, i cili i ka shprehur ngushëllime familjes Muja, këtë vdekje e ka quajtur tragjike.

“Me pikëllim morëm lajmin për humbjen e veteranit të Ushtrisë Çlirimtare të Kosovës, përkatësisht zyrtarit policor në Drenas, Xhemajl Muja. Ngushëllimet me të sinqerta familjes Muja për humbjen e Xhemajlit”, është shprehur Lladrovci.

Komuna e Drenasit ka bërë të ditur se Xhemajl Muja ishte veteran i Ushtrisë Çlirimtare të Kosovës, në Brigadën 114, ndërsa që nga pas lufta pjesëtar i policisë në Stacionin Policor në Drenas.

Shija e redaktorit

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Kosova dhe Izraeli me marrëveshje për heqjen e vizave

Izraeli i ka hequr vizat për qytetarët e Kosovës, duke u bërë kështu shteti i 50-të që mundëson lëvizje të lirë për kosovarët. Kështu ka...

Të fundit nga rubrika