Aktivistja e shoqërisë civile, Kaltrina Kamberi, ka reaguar ndaj raportimeve në mediat serbe, të cilat pretendojnë se disa ushtarë të KFOR-it janë konvertuar në fenë ortodokse, duke i cilësuar këto narrativa si propagandë të qëllimshme.
Sipas Kamberit, bëhet fjalë vetëm për një interesim të thjeshtë të disa ushtarëve për fenë ortodokse, i cili po keqpërdoret dhe po paraqitet si një proces i përfunduar konvertimi.
Ajo ka theksuar se ky fenomen është pjesë e një qasjeje më të gjerë propagandistike, ku elemente fetare përdoren për qëllime politike dhe për ndërtimin e narrativave nacionaliste.
Në reagimin e saj, Kamberi ka ngritur shqetësime edhe për rolin e Kishës Ortodokse Serbe, duke vlerësuar se në disa raste ajo nuk paraqitet vetëm si institucion shpirtëror, por lidhet me nacionalizëm dhe retorikë kundër popujve të tjerë, përfshirë shqiptarët dhe boshnjakët.
Në këtë kontekst, ajo ka përmendur edhe lidhje të pretenduara historike të këtij diskursi me figura të dënuara për krime lufte, si Ratko Mladić dhe Radovan Karaxhiq.
Ndërkohë, reagimi i saj ka nxitur komente edhe nga figura ndërkombëtare, përfshirë ish-eurodeputeten gjermane Doris Pack, e cila ka kritikuar qasjen e Kishës Ortodokse në raport me kombin dhe fenë.
Serbian media controlled by @avucic are presenting the simple curiosity of some KFOR soldiers about Orthodoxy as “conversion” or a “done deal.” In reality, it’s merely straightforward interest in religion, but it’s being used as propaganda.
It should be emphasized that every… pic.twitter.com/1TuawVQ2i8
— Kaltrina Kamberi (@ThisisKaltri) March 28, 2026