Në dhjetë qytete dhe komuna të Serbisë po mbahen zgjedhje lokale, ku qytetarët po votojnë për përbërjen e qeverisjeve lokale për katër vitet e ardhshme.
Sipas mediave, procesi zgjedhor po zhvillohet në ato njësi lokale ku këshillat komunale janë zgjedhur për herë të fundit më 3 prill 2022.
Në këto zgjedhje janë regjistruar gjithsej rreth 50 lista zgjedhore, të formuara nga partitë në pushtet të udhëhequra nga SNS-ja e presidentit Aleksandar Vuçiq, partnerët e koalicionit, si dhe nga opozita, lëvizje studentore dhe iniciativa qytetare, disa prej tyre edhe me lista të përbashkëta.
Zgjedhjet po shihen si një test i rëndësishëm për pushtetin e SNS-së në nivel lokal, ndërsa opozita shpreson të përfitojë nga pakënaqësia e rritur qytetare dhe protestat studentore që kanë shpërthyer pas aksidentit tragjik në stacionin hekurudhor në Novi Sad.
Megjithatë, procesi zgjedhor është shoqëruar me tensione të theksuara.
Sipas raportimeve, që para hapjes së vendvotimeve janë vërejtur përplasje dhe presione politike, ndërsa gjatë ditës së zgjedhjeve në disa zona janë raportuar incidente, kërcënime dhe pretendime për parregullsi.
‼️Još jedan slučaj nasilja u Boru. ‼️
Više desetina muškaraca koji su izašli iz štaba SNS, pojurilo je nekoliko studenata nakon što su snimili auto u kojem su, kako su sumnjali, vođene paralelne evidencije birača. Najgore je postradao student koji je jutros već bio žrtva napada.… pic.twitter.com/QkCiIXsb8U
— CRTA (@CRTArs) March 29, 2026
View this post on Instagram