Kë takoi Kurti në Davos dhe për çfarë u bisedua?

Kryeministri i Kosovës, Albin Kurti, ka treguar se në Davos të Zvicrës ka realizuar takime me përfaqësues të vendeve të ndryshme. Ndërsa, ka theksuar se me emisarin e Bashkimit Evropian për dialogun Kosovë-Serbi, Miroslav Lajçak, është diskutuar për nevojën e dinamizimit të dialogut dhe normalizimit të marrëdhënieve mes Kosovës dhe Serbisë, me njohjen në qendër

Ilustrim

Kryeminstri i Kosovës, Albin Kurti, përmes një postimi në llogarinë e tij në Facebook, ka treguar se në Davos ka realizuar takime të shumta, përfshirë këtu udhëheqës të Zvicrës, Kroacisë, Ukrainës dhe përfaqësuesin e posaçëm të BE-së për dialogun Kosovë-Serbi, Miroslav Lajçak.

Kryeministri ka thënë se me Lajçak bisedoi për dinamizimin e procesit të dialogut dhe për normalizimin e marrëdhënieve Kosovë-Serbi, duke përmendur njohjen reciproke në qendër.

Ilustrim

“Takova edhe përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. Biseduam për hapat e mëtejmë dhe nevojën për dinamizim të procesit të dialogut drejt normalizimit të plotë të marrëdhënieve ndërmjet Kosovës dhe Serbisë, me njohje reciproke në qendër”, ka shkruar Kurti.

Kurti ka bërë të ditur se në Zvicër është takuar me zëvendëspresidenten e Zvicrës, Viola Amherd dhe ministrin e Ekonomisë së Zvicrës, Guy Parmelin, me të cilët, ka theksuar se u ka shprehur mirënjohjen e thellë për kontributin e Zvicrës ndaj Kosovës.

Ndër të tjera, ka theksuar rëndësinë e mërgatës në Zvicër, e cila sipas Kurtit, është urë lidhëse mes dy shteteve.

“Në Davos takova zëvendëspresidenten e Zvicrës, Viola Amherd dhe ministrin e Ekonomisë së Zvicrës, Guy Parmelin. U shpreha mirënjohjen e thellë për kontributin e Zvicrës dhënë për Kosovën. Theksuam rëndësinë e mërgatës sonë në Zvicër, që janë urë lidhëse mes dy shteteve tona”, ka shkruar Kurti në Facebook.

Ndërkaq, në takim me kryeministrin e Kroacisë, Kurti ka thënë se është potencuar se Kosova përveç të kaluarës me Kroacinë që e kanë të përbashkët, kanë edhe të ardhmen brenda BE-së dhe NATO-s.

“Me Kryeministrin e Republikës së Kroacisë, Andrej Plenkoviq, potencuam se me Kroacinë, Republika e Kosovës ka të përbashkët të kaluarën, por edhe të ardhmen brenda Bashkimit Evropian dhe NATO-s”, ka vazhduar tutje Kurti.

Një tjetër takim i Kurtit në Davos ishte edhe në fushën e teknologjisë. Ai u takua me zëvendëskryeministrin e Ukrainës dhe ministrin e Transformimit digjital, Dedorov, në shtëpinë e Ukrainës në Davos, me të cilin, shpjegoi se ka diskutuar rreth transformimit digjital.

“Ndërsa me zëvendëskryeministrin e Ukrainës dhe ministrin e Transformimit digjital, Mylkhailo Fedorov dhe Administratoren e USAID-it, Samantha Power, në Shtëpinë e Ukrainës në Davos diskutuam mbi transformimin digjital”, ka përfunduar Kurti.

 

Shija e redaktorit

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Më të lexuarat

Në Kuvendin e Serbisë kërkohet mbyllja e kufijve për kosovarët që...

Slavisha Ristiq, anëtari i Komisionit Parlamentar për Kosovën në Kuvendin e Serbisë, ka kërkuar që të mos u lejohet hyrja në Serbi, kosovarëve që...

WhatsApp lëshon përditësimin e ri  për t’i lejuar njerëzit të...

WhatsApp ka lansuar një përditësim të madh të ri për t'i lejuar njerëzit të bisedojnë edhe në mes të mbylljeve të internetit. WhatsApp ka lansuar...

IKD: Shteti ka dështuar në rastin “Kobra”

Instituti i Kosovës për Drejtësi ka thënë se rasti “Kobra” paraqet një shembull të dështimit të sistemit të drejtësisë, i cili, sipas tyre, ka...

Të fundit nga rubrika