KMDLNJ: Bislimi s’kishte të drejtë ta griste foton e opozitës – Konjufca bëri shkelje kur e ftoi policinë në Kuvend

Këshilli për Mbrojtjen e të Drejtave e të Lirive të Njeriut (KMDLNJ) reagoi në lidhje me përleshjen në Kuvendin e Kosovës dhe kritikoi veprimet e zëvendëskryeministrit Besnik Bislimi dhe kryeparlamentarit Glauk Konjufca

Kuvendi i Republikës së Kosovës më 13 korrik 2023

Këshilli për Mbrojtjen e të Drejtave e të Lirive të Njeriut (KMDLNJ) ka reaguar në lidhje me përleshjen në Kuvendin e Kosovës, në mes të deputetëve të PDK-së dhe ministrave të Qeverisë Kurti.

Në reagimin e tyre thuhet se zëvendëskryeministri, “Besnik Bislimi nuk ka pasur asnjë të drejtë ta grisë një foto që e vendosi opozita, pavarësisht përmbajtjes”.

Kjo për shkak se sipas ligjeve në fuqi, në Kuvend, Bislimi cilësohet si mysafir.

“Të gjithë të tjerët, kryeministri, presidentja, ministrat, z.ministrat konsiderohen mysafirë dhe duhet t’i nënshtrohen rregullave që janë të përcaktuara nga Kuvendi e që nuk ndodhi në seancën e fundit. Besnik Bislimit, z.kryeministër i Qeverisë së Kosovës, sikur asnjë ministri nuk i takon dhe nuk kanë të drejtë të ndërmarrin asnjë veprim në kundërshtim me Rregulloren e Punës dhe statusin e tyre si mysafir”.

“Ata duhet ta kryejnë punën për çka janë ftuar nga deputetët apo nëse kanë kërkuar në bazë të drejtës që iu takon e pastaj të kthehen në shtëpinë e tyre, Qeverinë e Kosovës. Besnik Bislimi nuk ka pasur asnjë të drejtë ta grisë një foto që e vendosi opozita, pavarësisht përmbajtjes”, thuhet në reagim.

Në reagim thuhet se kryeparlamentari Glauk Konjufca do të duhej ta largonte nga seanca Besnik Bislimin për shkak të veprimeve të tij.

“Këtë të drejtë e kanë pasur deputetët e pozitës sikur edhe çdo deputet në Kuvendin e Kosovës. Shkelje tjetër ishte kur po ky z.kryministër e gjuan me shishe uji deputetin Lushtaku. Në këtë situatë, kryetari i Kuvendit, po të kishte pasur profesionalizëm dhe guxim do ta largonte nga seanca Besnik Bislimin, sepse si mysafir, në kundërshtim me Rregulloren e Kuvendit ndërmori veprime që nuk i takojnë sikur që sulmoi deputetin Lushtaku.

Shkelja tjetër e Konjufcës, sipas KMDLNJ-së, është ftesa e Konjufcës që policia të hyjë në Kuvend.

“KMDLNj –ë është i sigurt se nëse kryetari i Kuvendit do ta largonte nga seanca z.kryeministrin Besnik Bislimi, situata do të qetësohej dhe seanca do të zhvillohej në rrethana krejtësisht tjera. Ndërkaq, si shkeljen më të rëndë që e bëri kryetari i Kuvendit, Glauk Konjufca ishte thirrja drejtuar Policisë së Kosovës të intervenojnë sa ishte duke u zhvilluar seanca”, thuhet në reagim.

Sipas KMDLNJ-së, kryetari i Kuvendit fillimisht është dashur ta ndërpresë seancën e pastaj ta thërrasë Policinë e Kosovës që të ndërhyjë në qetësimin e seancës.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika