Komandanti i KFOR-it, Ozkan Ulutuas, gjatë së premtes ka takuar përfaqësuesit e organizatave të sigurisë në Kosovë, duke përfshirë komandantin e Forcës së Sigurisë së Kosovës (FSK), Bashkim Jashari, drejtorin e Policisë Gazmend Hoxha, dhe shefin e AKI-së Petrit Ajetin.
Siç thuhet në njoftim në këtë takim ata ndanë pikëpamjet mbi situatën e përgjithshme të sigurisë në mbarë Kosovën dhe për nivelin e bashkëpunimit të tyre.
“Ata gjithashtu ranë dakord për angazhime të vazhdueshme, si dhe për koordinim dhe konsultime të rregullta”, thuhet në njoftim.