Me rastin e shënimit të 25-vjetorit të Epopesë së Dukagjinit, Kryeministri i Kosovës, Albin Kurti dhe kryeparlamentari Glauk Konjufca kanë bërë homazhe te Kompleksi Memorial “Dëshmorët e Kombit” në Gllogjan.
Para tyre homazhe pati edhe nga pjesëtarë të FSK-së dhe nga kreu i AAK-së, Ramush Haradinaj.
Me anë të një postimi në Facebook, Konjufca ka thënë se populli i Kosovës do t’u jetë përjetë mirënjohës shteteve anëtare të Aleancës së NATO-s dhe misionit ushtarak KFOR, për gjithë çfarë kanë bërë dhe vazhdojnë të bëjnë për lirinë, paqen, stabilitetin dhe sigurinë e Republikës së Kosovës.