Konjufca pret në takim kryetarin e Komisionit për Punë të Jashtme në Bundestag, Michael Roth

Kryeparlamentari Glauk Konjufca ka pritur në takim kryetarin e Komisionit për Punë të Jashtme në Bundestag, Michael Roth dhe e ka falënderuar atë për angazhimin dhe mbështetjen që shteti gjerman i kanë dhënë Republikës së Kosovës

Pamje nga takimi

Kryeparlamentari Glauk Konjufca ka pritur në takim kryetarin e Komisionit për Punë të Jashtme në Bundestag, Michael Roth, i cili shoqërohej nga zv.ambasadori gjerman në Kosovë, Mathias Conrad, nga Dr. Ursula Bell dhe Dr. Sebastian Leuschner.

Në këtë takim Konjufca ka falënderuar kryetarin Roth për angazhimin dhe mbështetjen që shteti gjerman i kanë dhënë Republikës së Kosovës.

“Theksuam marrëdhëniet e shkëlqyera mes vendeve tona dhe nevojën për t’i thelluar ato në të ardhmen, si vende mike dhe aleate që na bashkojnë vlerat dhe qëllimet e përbashkëta. Kontributi i shtetit gjerman është i pazëvendësueshëm, si në të shkuarën edhe sot, gjë për të cilën i shpreha mirënjohje z.Roth dhe ne synojmë që raportet e shkëlqyera t’i mirëmbajmë dhe t’i zhvillojmë me bashkëpununim në të gjitha sferat”, ka shkruar Konjufca.

Kryeparlamentari ka shtuar se Gjermania ka qenë “shumë e angazhuar edhe sa i përket dialogut për normalizim mes Republikës së Kosovës dhe Serbisë, të lehtësuar nga Bashkimi Evropian. Duke marrë parasysh rolin e Gjermanisë brenda BE-së, i kërkova z.Roth që angazhimi gjerman të vijojë dhe se ne e konsiderojmë jashtëzakonisht të rëndësishëm, për një proces parimor, efikas dhe të balancuar”.

Tutje ai ka theksuar se takime si këto asnjëherë nuk duhet të mungojnë.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika