Ministri i Mbrojtjes, Armend Mehaj është takuar me ministren e Mbrojtjes Kombëtare të Holandës, Kajsa Ollongren me të cilën ka diskutuar rreth bashkëpunimit mes vendeve në fushën ushtarake.
Gjatë takimit Mehaj e ka njoftuar ministren për avancimet që Ushtria e Republikës së Kosovës ka bërë përmes implementimit të Planit Gjithpërfshirës të Tranzicionit.
Investimet në ngritjen e kapaciteteve profesionale dhe operacionale dhe bashkëpunimin e ngushtë me shtetet anëtare të NATO-s, me të cilët koordinojnë në baza ditore aktivitetet përmes këshilltarëve ndërlidhës të NATO-s, të cilët janë duke shërbyer në Kosovë, të vendosur në zyret brenda objektit të Ministrisë së Mbrojtjes.
Ndër të tjera ka shtuar se janë dakorduar për bashkëpunim në çështjen e shkëmbimit të praktikave më të mira sa i përket inkuadrimit të vajzave në FSK.
Dhe po ashtu në ngritjen profesionale të tyre përmes trajnimeve, si dhe pjesëmarrjes në misione të përbashkëta me Forcat e Armatosura Holandeze.