Kosova pritet të vizitohet nga ministrja gjermane e Mbrojtjes

Ministrja gjermane e Mbrojtjes, Christine Lambrecht, e cila është duke e zhvilluar një vizitë në disa vende të Ballkanit, pritet ta vizitojë edhe Kosovën

Ministrja gjermane e Mbrojtjes, Christine Lambrecht

Një delegacion i Ministrisë së Mbrojtjes së Gjermanisë, i udhëhequr nga ministrja Christine Lambrecht, e cila po realizon një vizitë zyrtare në disa vende të Ballkanit, pritet ta vizitojë edhe Kosovën.

Sipas mediave boshnjake, Lambrecht aktualisht është në një vizitë zyrtare në Sarajevë të Bosnjës e Hercegovinës, ku pritet të zhvillojë një takim me ministrin e Mbrojtjes, Sifer Poxhiq.

Ministrja gjermane e Mbrojtjes, Christine Lambrecht

Përveç kësaj, ajo do të realizojë edhe një takim tjetër me komandanin e Forcave Paqeruajtëse (EUFOR), Anton Wessely.

Sipas njoftimit, fokusi i këtyre takimeve do të jetë në situatën aktuale politike dhe të sigurisë në Evropë dhe ndikimin në Ballkanin Perëndimor.

Pas Bosnjës e Hercegovinës, Lambrecht pritet ta vizitojë edhe Serbinë e Sllovakinë.

Ndryshe, ministri i Mbrojtjes, Armend Mehaj, të mërkurën e katër majit, gjatë raportimit në Komisionin për Çështje të Sigurisë së Mbrojtjes, ka deklaruar se janë duke punuar për formimin e një ligji të ri, për rezerva ushtarake vullnetare, rreth hapjes së një konkursi të ri dhe blerjes së pajisjeve të reja ushtarake.

“Planifikojmë të hapim konkurs të ri, kemi investuar në blerje të pajisjeve ushtarake, blerjet janë të cekura më planin tonë të prokurimit, blerjet janë duke u realizuar nga programi FMC, si është rasti për blerjet e dronit”, ka thënë ai.

Përmes këtij ligji, Mehaj tha se do të trajnohen rreth 20 mijë persona.

Mehaj: Po planifikojmë rekrutimin e rreth 20 mijë ushtarëve rezervë

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika