Kreu i Partisë Demokratike të Kosovës (PDK), Memli Krasniqi, ka theksuar se partia e tij nuk do të marrë pjesë në një votim të imponuar për konstituimin e Kuvendit, duke e quajtur këtë veprim një tallje me qytetarët që i kanë votuar.
“Nuk marrim pjesë në një votim të tillë të imponuar, as nuk propozojmë komision. Ne do të iu vëzhgojmë dhe do të shohim, do të bëhemi dëshmitarë për shkak të qytetarëve që na kanë votuar për të qenë në këtë ulëse. Ky cirk që po doni të bëni është një fyerje për gjithë qytetarët që ju kanë votuar,” ka deklaruar Krasniqi.
Krasniqi e ka kritikuar ashpër procesin e kërkuar për votim të fshehtë, duke theksuar se kjo sjellje është një tallje me Kuvendin dhe me qytetarët, të cilët e kanë legjitimuar PDK-në për të përfaqësuar interesat e tyre në Kuvend.