Krasniqi për ikjen e qytetarëve: Ka humbje të besimit në mundësitë që ofron Kosova

Kryetari i PDK-së, Memli Krasniqi në një intervistë në emisionin "FIVE" ka thënë se ikja e qytetarëve po vjen si pasojë e humbjes së besimit në mundësitë që ofron Kosova

Kryetari i Partisë Demokratike të Kosovës (PDK), Memli Krasniqi

Kryetari i Partisë Demokratike të Kosovës (PDK), Memli Krasniqi, ka thënë se nuk ka asgjë më të dhimbshme sesa ikja e qytetarëve nga vendi i tyre.

Krasniqi në emisionin “FIVE” ka thënë se është hera e parë që ka një trend të ikjes së qytetarëve, të cilët edhe janë profesionistë edhe kanë të hyra e kapital.

“Nuk ka asgjë më të dhimbshme në Kosovë. Familjet tona kur mblidhen në mbrëmje nuk flasin për dialog, por për ikjen e qytetarëve. Është hera e parë që ka një trend të ikjes së qytetarëve, po na shkojnë profesionistët që kanë të hyra e kapital”, ka thënë Krasniqi.

Ai ka thënë se nuk është vetëm faji i Qeverisë aktuale për ikjen e qytetarëve, por sipas tij, pjesa vitale e vendit po largohet qëkur kjo Qeveri ka ardhur në pushtet me premtime marramendëse.

“Kemi një Qeveri që asgjë të hajrit për këtë vend nuk ka bërë. Nuk po them që faji është vetëm i Qeverisë, por duhet të shtrohet pyetja pse vetëm në dy vitet e qeverisjes Kurti kaq shumë janë larguar? Po ik një pjesë vitale, pra Qeveria që ka ardhur në pushtet me premtime marramendëse duke treguar, nuk e sjell meritokracinë për të cilën janë besuar, normal që humbet besimi”, ka vijuar Krasniqi.

Ndër të tjera, sipas tij, është e dhimbshme të thuhet, por ka humbje të besimit në mundësitë që ofron Kosova.

“Po shkojnë sepse është vështirë të thuhet, por nëse ka një emërues të përbashkët që kam diskutuar deri më tani, është e dhimbshme, por duhet të thuhet se ka humbje të besimit në mundësitë që ofron vendi ynë”.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika