Krasniqi pret në takim ministrin e Drejtësisë së Danimarkës, Peter Hummelgaard

Kryetari i PDK-së, Memli Krasniqi është takuar me ministrin e Drejtësisë së Danimarkës, Peter Hummelgaard, dhe e ka njoftuar për zhvillimet e fundit në Kosovë

Pamje nga takimi

Kryetari i Partisë Demokratike të Kosovës (PDK), Memli Krasniqi, është takuar me ministrin e Drejtësisë së Danimarkës, Peter Hummelgaard.

“Ministrin Hummelgaard e falënderova për mbështetjen e vazhdueshme që Danimarka i ka dhënë Kosovës, që nga strehimi i refugjatëve kosovarë gjatë luftës, njohja e pavarësisë, si një ndër shtetet e para, e deri te kontributi për paqe dhe stabilitet, si pjesë e forcave paqeruajtëse të KFOR-it në vendin tonë”, ka shkruar Krasniqi.

Krasniqi ka thënë se ministrin e ka njoftuar për zhvillimet e fundit në Kosovë dhe qëndrimet e PDK-së në lidhje me to.

“Mysafirëve ua shpreha qëndrimin që Partia Demokratike e Kosovës kërkon sa më parë zgjedhje të reja të parakohshme dhe se aktualisht nuk merr pjesë në votimin e pikave në Kuvend, të cilat sillen nga ana e Qeverisë, përfshirë edhe Marrëveshjet Ndërkombëtare. Në fund, ministrin Hummelgaard e falënderova për vizitën e tij dhe diskutimin e hapur që patëm”, ka thënë kreu i PDK-së.

Gjatë ditës së sotme, me ministrin danez është takuar dhe i pari i AAK-së, Ramush Haradinaj.

Lexo dhe: Haradinaj në takim me ministrin e Danimarkës, e falënderon për mbështetjen ndaj Kosovës

Haradinaj e ka falënderuar ministrin Hummelgaard për rolin konstruktiv të Danimarkës, e cila, gjithmonë, sipas tij, ka qenë mbështetëse e fuqishme e Kosovës në proceset euroatlantike dhe proceset e tjera shtetndërtuese.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika