Kryetari i Partisë Demokratike të Kosovës, Memli Krasniqi ka qëndruar mbrëmë në Shtime në përkrahje të kandidatit të PDK-së për kryetar të kësaj komune, Dr. Përparim Ramusa.
Krasniqi, në një tubim plot entuziazëm në mesin e përkrahësve të PDK-së, ka thënë se Ramusa është kandidati më i denjë për këtë garë.
“Shtimja nuk ka nevojë të çlirohet, se është e lirë. Por, Shtimja ka nevojë të zhvillohet. Ka nevojë për zhvillim. Kush e do Shtimen dhe do përfaqësimin më të mirë, votojeni numrin 191, sepse pas një jave vendoset për të ardhmen dhe kjo e ardhme ka një emër. Emri është Dr. Përparim Ramusa. Numri është 191. Dilni, votoni, fitoni’’, ka kërkuar Krasniqi.
Kurse, kandidati i PDK-së për kryetar të Shtimes, Përparim Ramusa është shprehur mirënjohës për mbështetjen e marrë gjatë tërë fushatës.
‘’Do ta bëjmë Shtimen ma mirë. Sot, para jush, unë nuk jam vetëm, por qëndroj me një ekip profesional, me burra e gra të ndershme dhe plot entuziazëm’’, ka thënë ai.