Kryeministri i Malit të Zi, Zdravko Krivokapiq, e ka quajtur provokim të papranueshëm deklaratën e Kryeministrit të Kosovës, Albin Kurti, lidhur me rishikimin e pikës kufitare në mes të dyja vendeve.
Ai përmes një postimi në llogarinë e tij në Twitter, ka thënë se kjo gjë përbën aspiratë të rrezikshme për shkelje të integritetit territorial të Malit të Zi.
“Konsideroj se deklaratat e zotit Kurti, të cilat lajmërojnë për aspirata të rrezikshme për shkelje të integritetit territorial të Malit të Zi, janë provokim i papranueshëm”, ka shkruar ai.
Madje, siç theksoi ai, është i habitur për mosreagim nga Presidenti i Malit të Zi, Millo Gjukanoviq, dhe i mandatuari si kryeministër i vendit, Dritan Abazoviq.
“Është interesant se nuk ka pati reagim nga Presidenti i Malit të Zi dhe nga kryeminisrit i mandatuar antiakushtetues”, ka shkruar Krivokapiq.
Izjava gospodina Kurtija, kojom najavljuje opasne aspiracije narušavanja teritorijalnog integriteta Crne Gore, smatram nedopustivom provokacijom.
Interesantno je da nema nikakve reakcije predsjednika Crne Gore i neustavnog mandatara Dritana Abazovića.— Zdravko Krivokapić (@profKrivokapic) March 22, 2022
Ndërkohë, Kurti ka thënë se, shpreson që me qeverinë e re të shtetit fqinj, do të mund të adresojë çështjen e demarkacionit me Malin e Zi.
Po ashtu, edhe korrigjimin e humbjes së tetë mijë e 200 hektarëve të cilat ka thënë se “gabimisht” i janë dhënë Malit të Zi.
Ndryshe, më 21 mars të vitit 2018, me 80 vota pro, 11 kundër dhe asnjë abstenim, Kuvendi i Kosovës kishte miratuar demarkacionin me Malin e Zi.
Hedhja e gazit lotsjellës në kuvend
Procesi i demarkacionit me Malin e Zi, ishte paraprirë me debate të mëdha, protesta e reagime të shumta.
Lëvizja Vetëvendosje si parti opozitare e kishin kundërshtuar ashpër këtë marrëveshje. Madje, deputetë të kësaj partie kishin hedhur gaz lotsjellës.
Ndryshe, marrëveshja për demarkacionin me Malin e Zi ishte nënshkruar në vitin 2015 në Vjenë të Austrisë.
E njëjta ishte plotësuar edhe me një aneks-marrëveshje ndërmjet dy ish-presidentëve, atij të Kosovës Hashim Thaçi dhe të Malit të Zi, Filip Vujanoviq.
Në këtë marrëveshje të nënshkruar ndërmjet dy presidentëve, thuhej se, pas ratifikimit të demarkacionit në Kuvendin e Kosovës, të dy vendet do ta rishikojnë vijën kufitare dhe do të bëhen korrigjime nëse ka pasur lëshime.