Kryeministri i Sllovakisë, Robert Fico, të mërkurën është plagosur nga të shtënat me armë zjarri dhe është dërguar urgjentisht në një spital.
Kryeministri Fico është në një gjendje të rrezikshme për jetën, ka thënë zyra e Qeverisë së Sllovakisë.
Udhëheqësi i qeverisë sllovake nuk do të dërgohet për mjekim të mëtejmë në kryeqytetin e Bratislavës, pasi fluturimi do të zgjaste “shumë kohë”.
Qeveria ka njoftuar se ai është qëlluar disa herë dhe aktualisht ai po transportohet me helikopter në qytetin e afërt të Banska Bystrica, raporton BBC.
Fico dyshohet se ka mbetur i plagosur në bark dhe në gjoks.
Gazetarët, të cilët ishin në vendin e ngjarjes, thanë se u dëgjuan disa të shtëna me armë.
Ata shtuan se zyrtarët e sigurisë e futën një person në një veturë dhe u larguan me shpejtësi.
I arrestuari besohet se është i dyshuari që shtiu mbi kryeministrin, megjithëse kjo nuk është konfirmuar nga policia lokale.