Kryetari i komunës së Vushtrrisë, Ferit Idrizi ka bërë të ditur se ka ndërprerë procesin e asfaltimit të një rruge në fshatin Novolan pasi sipas tij, cilësia e punimeve është e dobët.
Përmes një videoje të cilën e ka publikuar në Facebook, ai ka thënë se ka kthyer prapa kamionët me asfalt me arsyen se kishte mungesë të trashësisë së zhavorrit dhe ngjeshja duke theksuar se “nuk lejoj punë shkel e shko”.
“Sot gjatë mbikëqyrjes së punimeve në rrugën “Ahmet Delia” në Novolan, e cila ishte planifikuar të asfaltohet, i ndërpreva punimet dhe kamionët me asfalt u kthyen mbrapa. Arsyeja e ndërprerjes ishte puna jocilësore dhe shmangia nga paramasa (mungesa e trashësisë së zhavorit dhe ngjeshja)” – ka shkruar ai.
Tutje, Idrizi u ka bërë thirrje të gjithë operatorëve që marrin punë në Komunën e Vushtrrisë, të punojnë sipas projektit dhe me cilësi, pas sipas tij, do ta marrin të njëjtën përgjigje.