Këtë të diel bëhen 24 vjet nga rënia e 28 dëshmorëve të kombit dhe 32 martirëve të luftës, të cilët kanë rënë më 9 prill 1999 në lagje të “Re” dhe në Rakoc të Kaçanikut.
Gjatë kësaj dite, Organizata e Veteranëve të Luftës së UÇK-së (OVL-UÇK), dega në Kaçanik dhe Këshilli Organizues nën përkrahjen e Komunës së Kaçanikut do të organizojnë manifestime përkujtimore në lagjen e “Re”, duke nisur nga ora 11:00 dhe në Rakoc nga ora 12:00.
Pasi këto manifestime të përfundojnë, do të bëhen homazhe dhe do të vendosen lule në vendin e rënies, pranë lapidarit të ngritur në lagje të “Re” dhe në Rakoc, si dhe në Kompleksin Memorial te Varrezat e Dëshmorëve. kp