Kryeministri i Kosovës, Albin Kurti, ka reaguar lidhur me kualifikimin e Kombëtares së Shqipërisë në “Euro 2024”.
Përmes një postimi në Facebook, Kurti i ka uruar futbollistët për momentin e dytë historik të kuqezinjve.
“Shqipëria kalon. Festë e madhe që do të vazhdojë në Euro 2024. Për herë të dytë në histori. Pas Francës, tashmë drejt Gjermanisë. Urime lojtarëve, gëzuar të gjithëve!,” ka shkruar ai.
Ndryshe, Shqipëria e ka siguruar kualifikimin në Kampionatin Evropian, pas barazimit me Moldavinë, me rezultat 1:1. Golin e vetëm për të përzgjedhurit e Sylvinhos e realizoi sulmuesi Sokol Cikalleshi.