Kryeministri i Kosovës, Albin Kurti, përmes një njoftimi në Facebook, ka njoftuar për vendimet e miratuara në mbledhjen e fundit të qeverisë.
Kurti ka njoftuar se është themeluar një Komision Ekzekutiv, për anëtarësimin e Kosovës në Bashkimin Evropian.
Po ashtu, në mbledhjen e fundit të qeverisë, janë ndarë 41 milionë euro për tejkalimin e krizës energjetike dhe gjysmë milion euro për Avokaturën Shtetërore.
Mbështetje, Qeveria e Kosovës i ka dhënë edhe gazetarëve ukrainas, të cilët mund ta vazhdojnë qëndrimin e tyre në Kosovë.
Qeveria ka miratuar edhe udhëzimet administrative për Autoritetet përgjegjëse për realizimin e të drejtave të fëmijës, e edhe plot vendime të tjera.