Kurti fton shqiptarët ta votojnë Kamberin

Kryeministri i Kosovës, Albin Kurti ka ftuar shqiptarët të votojnë bartësin e Koalicionit të Shqiptarëve të Luginës së Preshevës, Shaip Kamberin në ripërsëritjen e zgjedhjeve që do të zhvillohen në Luginë

Albin Kurti, kryeministër i Kosovës

Pas kërkesës së bartësit të Koalicionit të Shqiptarëve të Luginës së Preshevës, Shaip Kamberi, për përsëritjen e zgjedhjeve parlamentare në Luginë, do të ketë ripërsëritje të zgjedhjeve, në qendrën 6 të votimit, në Bujanoc.

Tani, është rritur mundësia që Kamberi të fitojë edhe një mandat deputeti, pasi potenciali votues i vendvotimit 6 është 1089 vota, e që nevojiten 650 vota ose votimi i 60 për qind i qytetarëve, që Kamberi të vazhdojë përfaqësimin e shqiptarëve.

Përmes një postimi në rrjetin e tij social ‘Facebook‘, kryeministri i Kosovës, Albin Kurti ka ftuar qytetarët të votojnë Kamberin, që të mund të përfaqësojë shqiptarët në Luginë.

Kurti e vlerëson Kamberin si një përfaqësues mjaft të denjë të shqiptarëve në seancat parlamentare, për mbrojtjen e të drejtave të shqiptarëve dhe denoncimin e regjimit autokratik në Serbi.

”Për dy mandate, përfaqësimi z. Kamberi ka qenë gjithmonë i zëshëm gjatë seancave parlamentare në mbrojtje të të drejtave të shqiptarëve dhe në denoncimin e regjimit autokratik në Serbi. Ai e kishte mbajtur fjalimin e parë në gjuhën shqipe në Kuvendin e Serbisë së pasluftës. Sot është një ditë e veçantë. Është ditë e parë pasi një Gjykatë e këtij shteti ka legalizuar termin ofendues ‘šiptari”, ishin fjalët e para të fjalimit të tij”, ka shkruar Kurti.

Shaip Kamberi, bartës i Koalicionit të Shqiptarëve të Luginës së Preshevës

Ai, gjithashtu, ka shtuar se gjatë seancave, z. Kamberi ka listuar faktet për masakrat e Serbisë në Kosovë, dhe ka kërkuar përdorimin e simboleve kombëtare shqiptare.

”Në seancën e 29 tetorit 2020, z. Kamberi listonte faktet për masakrat e Serbisë në Kosovë dhe mohimin e fshehjen e krimeve nga shteti serb.

Në seancën e 26 nëntorit 2020, dy ditë para Festës së Flamurit, deputeti Kamberi kërkonte që të krijohen kushtet për përdorimin e simboleve kombëtare shqiptare. Skena kur gjersa diskutonte nxori flamurin shqiptar dhe e vendosi në bankën e deputetit, na pati bërë krenarë. Fjalimi i tij edhe më shumë”, ka shkruar ndër të tjerash kryeminstri.

Ndërsa, ai përfundon postimin duke ftuar shqiptarët që më datën 28 prill, për të gjithë ata me të drejtë vote , të shkojnë të votojnë për Koalicionin e Shqiptarëve të Luginës, të votojnë për Shaip Kamberin.

Zgjedhjet parlamentare të Luginës së Preshevës janë mbajtur, më 3 prill 2022.

Kamberi kërkon përsëritjen e zgjedhjeve në Luginën e Preshevës

Shija e redaktorit

Bujar Osmani, kandidat i BDI-së për president në Maqedoninë e...

Kryetari i Bashkimit Demokratik për Integrim, Ali Ahmeti, ka bërë të ditur se Bujar Osmani do të jetë kandidati i partisë së tij në...

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

Të fundit nga rubrika