Kurti: Nuk mund ta kthejmë pas vendimin e BQK-së për dinarin

Kryeministri i Kosovës, Albin Kurti, ka konfirmuar se qeveria e tij nuk do të ndërhyjë në vendimin e Bankës Qendrore të Kosovës për përdorimin e euros si monedhë zyrtare. Ai ka shprehur mbështetjen e tij për zbatimin e rregulloreve të reja dhe ka theksuar se vendimi nuk mund të kthehet pas

Kryeministri i Kosovës ALbin Kurti. Foto Betty Laura Zapata/Bloomberg.

Kryeministri i Kosovës, Albin Kurti, ka deklaruar se qeveria e tij nuk do të ndërhyjë në vendimin e fundit të Bankës Qendrore të Kosovës (BKQ), të cilin e ka quajtur të pavarur në zbatimin e rregullores së saj.

Kryeministri Kurti ka mbështetur zbatimin e rregulloreve të reja për përdorimin e euros si monedhë të vetme, duke deklaruar se këtë vendim nuk mund ta kthejnë pas.

Ai, gjithashtu, ka theksuar se nuk ka plane për masë ndëshkuese dhe se do t’u jepet kohë serbëve etnikë për t’u përshtatur me këtë ndryshim.

“Nuk mund ta kthejmë këtë vendim. Nuk do të kemi asnjë lloj mase ndëshkuese – nuk duam të ndëshkojmë askënd”, ka thënë Kurti në një intervistë dhënë mediumit britanik “Bloomberg” të hënën.

BQK-ja e ka publikuar rregulloren e re më 17 janar dhe ajo ka hyrë në fuqi më 1 shkurt.

Banka Qendrore ka bërë të ditur se rregullorja e tyre nuk ndalon pranimin e mjeteve në llogaritë bankare në euro dhe nuk kufizon aktivitetin këmbimor të valutave nga institucionet financiare.

Në veri të Mitrovicës, serbët lokalë kanë paralajmëruar një protestë këtë të hënë në orën 12:00, për të kundërshtuar vendimin e Bankës Qendrore të Kosovës për ndalimin e dinarit si mjet pagese.

Kurti ka sqaruar se vendimi i Bankës Qendrore nuk pengon Serbinë për të ndihmuar komunitetin serb, dhe se Kosova nuk e ka ndaluar përdorimin e dinarit.

Ai ka theksuar se euroja duhet të jetë monedha e vetme e pranueshme për transaksionet me para të gatshme.

Po ashtu, kryeministri Kurti ka thënë se nëpërmjet Rregullores së BQK-së po luftohet kriminaliteti.

Të gjithë qytetarët që tashmë kanë një llogari bankare në euro, në cilëndo bankë të licencuar në Kosovë, mund ta përdorin të njëjtën për të pranuar mjetet nga çdo shtet.

Ndërsa, ata që ende nuk kanë llogari, mund të hapin një të tillë te secila bankë, sipas Rregullores së BQK-së për Qasje në Llogari Pagese për Shërbime Bazike, që për grupet e cenueshme e të skemave sociale nuk ka tarifë të hapjes e as të mirëmbajtjes, nga 1 janari 2024.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika